Linda Halimi u bë nënë për herë të parë disa ditë më herët dhe lajmin e dha partneri i saj, Davon Edwards. Këngëtarja shqiptare e mbajti të fshehtë shtatzëninë për 9 muaj dhe asnjëherë nuk zbuloi detaje për të. Që prej kohës kur Kaimana ka ardhur në jetë, Linda ka ndarë pothuajse çdo ditë detaje nga jeta me të dhe ndjesitë që po provon si një nënë e re.
Pak orë më parë ajo publikoi një foto të së bijës teksa fle. E vogla shfaqet duke i kapur gishtin nënës së saj, si një mënyrë për t’i treguar se e do pranë. Këngëtarja ka treguar me emocion se kjo është mënyra si Kaimana sigurohet që të mos shkojë gjëkundi.
Linda ka rrëfyer më herët edhe mënyrën si erdhi në formë pas lindjes së vajzës. Këngëtarja është zhvendosur prej shumë vitesh në Amerikë ku ka ndërtuar karrierën dhe familjen e saj të vogël.
