Një kompani ruse e energjisë ka paralajmëruar përdoruesit e Instagram-it që të mos notojnë në një nga liqenet më të famshme në Rusi, në liqenin Novosibirsk ose ndryshe të njohur me nofkën “Maldive siberiane”, sepse në të vërtetë nuk është gjë tjetër veçse një depo për mbeturinat e një termocentrali.
Ngjyra e kaltër, e cila i dha emrin e Maldiveve siberiane, është dhënë në fakt nga kripërat e kalciumit dhe oksidet e tjera metalike. Shumë turistë që vizitojnë liqenin, ndoshta nuk janë në dijeni të asaj që është e fshehur brenda tij, shkruan theguardian.com.
Fenomeni ka filluar të shqetësojë autoritetet dhe kompania që menaxhon derdhjet e lëndëve tokasike, “Siberian Generating Company”, doli me një deklaratë për të paralajmëruar kuriozët:
“Nuk është e këshillueshme ta prekni ujin, mund të shkaktojë alergji”.
E pavarësisht kësaj, ky liqen është bërë tani aq popullor, sa njerëzit vështirë se mund t’i ndalësh. Ka nga ata që e zgjedhin si një sfond për albumin e dasmës të tjerë që fotografohen me kostum banje midis ujërave toksike.
Ekspertët thonë se zhytja apo larja në liqenin artificial, në fakt, nuk shkakton menjëherë vdekjen, por acarime të rënda të lëkurës. Sapo të jeni larë në ujërat e kristalta e të pastra, rrezikoni të mos jeni në gjendje të notoni më drejt bregut, siç shpjegohet nga kompania siberiane.
Por pavarësisht të gjitha paralajmërimeve, asgjë nuk i ka dekurajuar blogerat e instagramit për të marrë selfien e përsosur. Ky vend i rrezikshëm mbetet mbret i mediave sociale.