Për lirimin e ish-deputetit të PS-së, Alqi Bllako dje nga burgu, Edi Paloka e lexon si pazar mes tij dhe Edi Ramës. Kreu i Këshillit Kombëtar të PD-së, thotë se as kryeministri, apo edhe ambasadorja e SHBA-së në Tiranë, Yuri Kim nuk kanë hedhur akuza ndaj drejtësisë për këtë vendim skandaloz.
Postimi i plotë
Vendimi për të liruar Bllakon është marrë ditën që ai është dorëzuar. Pazari është i thjeshtë, ai i përhershmi i Ramës me ushtarët e tij të krimit e korrupsionit, na ka dalë boja prandaj ti do bësh pak burg dhe do heshtësh, unë me drejtësinë “e reformuar” do të të nxjerr pas disa muajsh dhe të dy do vazhdojmë të gëzojmë milionat dhe pushtetin.
A i pa apo dëgjoi njëri këtë here Ramën e Yurin të akuzojnë drejtësinë për këtë vendim skandaloz? Ata që për çdo përgjegjësi të qeverisë, e gjejë fajtorin tek drejtësia, dikur e pareformuar, (madje dhe për kullat “misterioze” në mes të Tiranës, fajin e ka ish-drejtësia). Po për këtë vendimin skandal të drejtësisë “së reformuar” pse nuk foli askush?
Për fat të keq edhe ndonjë nga këta kolegët tanë që tani takohen më shumë me Yurin se me ata që i kanë zgjedhur (në fakt me demokratët nuk takohen) nuk i vë me emrin e vërtetë; “drejtësi e kapur”, po e quan “drejtësi e brishtë”. Kujdes se kështu e do Yuri…ashtu siç e do dhe Rama.