Për ish kreun e grupit parlamentar të LSI-së Petrit Vasili rënia e Shqipërisë me 7 vende në raportin e “Reporterëve pa Kufij” për lirinë e medias nuk është thjesht një numër, por do të thotë se qytetarët nuk mësojnë dot të vërtetat apo bëhet e pamundur që e vërteta “të kapet për gryke që ju të mos mësoni dot çfarë ndodh me korrupsionin, me krimin e organizuar, me qeverinë që nuk lufton, por bëhet njësh me ta”.
Në një dalje për mediat Vasili thotë se ajo që thuhet në këtë raport bie ndesh me atë që thotë vetë kryeministri Edi Rama.
“ Ky mashtrues i pacipë quhet Edi Rama dhe ta kuptoni këtë gjë të nderuar qytetarë po ua lë juve gjykimin duke cituar çfarë thotë Edi Rama dhe çfarë thonë organizata e reporterë pa kufij, e cila bën vlerësimin e lirisë së medias kudo në botë. Edi Rama si mashtruesi më i madh që ka qeverisur ndonjëherë këtë vend thotë: “Me këtë qeveri nuk ka media të shantazhuar dhe liri të mohuar”, këtë tha Edi Rama e kuptuam të gjithë qytetarët së bashku, por çfarë thonë Reporterët pa Kufij: “Sulmet mbi mediat, qoftë nga qeveria apo krimi i organizuar arritën shkallë të pashembullta në vitin 2018”, pra sulmet mbi mediat nga qeveria dhe nga krimi i organizuar arriti një shkallë të pashembullt, një fjalë të tillë nuk e kishim dëgjuar kurrë. “Gazetarët ishin cak i fyerjeve, kërcënimeve me vdekje dhe përndjekjeve ligjore që sillnin frikësimin dhe pengimin e hetimit të korrupsionit”, pra dhe me vdekje janë kërcënuar që të mos nxjerrin në pah korrupsionin e qeverisë. “Politikanët e udhëhequr nga kryeministri Edi Rama e cilësuan median kazan dhe kryeministri bëri dhe ligj që t’u mbyllë gojën atyre. Aq më shumë e udhëhequr nga kryeministri Edi Rama, me emër dhe me mbiemër, siç po e citoj edhe unë, e cilësuan median kazan dhe kryeministri bëri edhe ligj që t’u mbyllë gojën atyre”, tha Vasili.
Zgjidhja e vetme, tha Vasili që Shqipëria të jetë shtëpia e shqiptarëve, “është që të gjithë së bashku të mos pajtohemi kurrën e kurrës me këtë lloj dhunimi, rrëmbimi, cenimi, jo thjeshtë të demokracisë, por të jetës sonë”