Kryeministri Edi Rama ka reaguar për lirimin e 3 policëve serbë, të cilët ishin rrëmbyer nga Serbia.
Me anë të një statusi në rrjetet sociale, Rama shkruan se të dyja palët duhet të kuptojnë se e vetmja formë për të shmangur përshkallëzimin është rikthimi tek dialogu.
Ai thekson gjithashtu se Serbia dhe Kosova nuk mund të marrin peng rajonin.
“Me Presidentin e Këshillit Europian, Charles Michel, ishim të një mendje se lirimi i tre policëve të Kosovës sot ishte një lajm shumë i mirë, megjithëse i vonuar!
Domosdoshmëria e de-eskalimit të menjëhershëm, e cila është rruga e duhur drejt fazës finale të Dialogut për Marrëveshjen e Normalizimit mes Kosovës e Serbisë, duhet kuptuar qartë nga të dyja palët edhe si një detyrim madhor ndaj krejt rajonit, i cili nuk mund të merret peng nga askush”, deklaron kreu i qeverisë.