Komisioni Europian botoi një listë të zezë ku gjenden 23 shtete që nuk po bëjnë sa duhet për të luftuar pastrimin e parave dhe financimin e terrorizmit. Lista përfshin disa parajsa të njohura bankare si Bahamas dhe ishujt Virgin si dhe shtete që janë shkatërruar nga lufta si Iraku, Siria, Jemeni dhe Arabia Saudite.
”Lista është e përditësuar dhe rigoroze për të vlerësuar flukset e parave të pista”, theksoi Komisioni Evropian.
“Sistemi financiar i BE nuk duhet të shërbejë si një mjet për pastrimin e parave dhe për të financuar krimin”, tha Vera Jourova, komisionerja evropiane për Drejtësinë.
“Mesazhi që duam të dërgojmë është se Evropa është e hapur për biznes, por Evropa nuk është naive ndaj këtyre çështjeve”, shtoi ajo.