Edhe pse në izolim në banesë, Sali Berishës do ti duhet të bëjë bashkë aleatët për zgjedhjet parlamentare të 2025. Bisedimet nuk parashikohen të lehta pasi lideri i opozitës duhet të ruajë balancat mes aleatëve të rinj dhe të vjetër, por edhe demokratëve që shpresojnë një vend të sigurt në listën e partisë.
Republikani Fatmir Mediu, aleat historik i demokratëve kërkon që në negociata te vlerësohem pesha elektorale e partive që do rreshtohen në çadrën e një koalicioni. Për të nëse lista do të bëhet në mënyrë preferenciale, atëherë po shihet për të gjetur vend pune.
”Çdo forcë politike që bëhet pjesë e një liste të përbashkët, duhet ta shikojë si pjesë e një kontributi për të shtuar numrin e deputeteve të opozitës për të fituar zgjedhjet. Nëse pastaj shkohet në mënyrë preferenciale si ky është i imi ky i yti, unë jam deputet ti jo, atëherë po shihet për të gjetur vend pune, jo për të bërë atë që duhet për qytetarët shqiptarë”, tha Mediu.