Dom Gjergj Meta, Ipëshkëv i Rrëshenit ka reaguar për dhënien me konçesion të ujërave termale të Peshkopisë. Në një postim në rrjetet sociale, ku Dom Gjergji është mjaft aktiv ai thotë se kjo është në vazhdën e konçesioneve të tjera që bëhen.
“Dhënia me koncesion e Llixhave të Peshkopisë, ndjek thjesht koncesionin e minierave, rrugëve dhe lumenjve. Pasurim i pak njerëzve dhe varfërim i pjesës tjetër. Ja pse Mirdita, Dibra, Mati, Bulqiza dhe Klosi zbrazen ose varfërohen përditë. Ka mbet ajri ende i lire … edhe pak!”, shkruan Dom Gjergji.