Presidenti francez, Emmanuel Macron po lobon që Greqia ta njohë Kosovën. “Pas Greqisë sigurisht vjen dhe Qipro dhe pak a shumë dhe të tjerat. Nëse arrihet pastaj që gjithë BE-ja njeh Kosovën do të jetë më e thjeshtë për BE-në të bëjë presion mbi Vuçiçin”,-thotë gazetari Genc Burimi.
Ai tha se në këto kushte është i kuptueshëm dhe plani franko-gjerman. Sipas gazetarit, ai i drejtohet konkretisht 5 vendeve që nuk njohin Kosovën.
Burimi po ashtu sqaron se plani franko-gjerman i drejtohet këtyre vendeve për t’ju thënë mos kini tani vrasje ndërgjegje për ta njohur Kosovën sepse vetë Vuçiçi nuk do e pengojë anëtarësimin e Kosovës në OKB.