Matvei Petrov është sportisti i dytë nga skuadra kuqezi që kualifikohet në finalë të Lojërave Mesdhetare.
Gjimnasti rus që po përfaqëson Shqipërinë, siguroi një vend në 8 më të mirët, në disiplinën e kalit me doreza. Në kompeticion që po zhvillohet në Oran të Algjerisë, 30 vjeçari pret këtë të mërkurë finalen, në të cilën shpreson për një tjetër paraqitje pozitive.
Matvei Petrov i dhuroi Shqipërisë medaljen e parë të arit në Gjimnastikën Artistikë në Kupën e Botës, që u zhvillua në Osijek të Kroacisë një vit më parë.