Loredana është një nga reperet më të suksesshme të momentit, e cila nuk di të ndalet me projektet e saj muzikore. Nuk është aspak çudi që emri i Loredanës të përmendet krah repereve më në zë në botë.
Loredana ka ndarë një foto në Instastory ku shfaqen të renditura kanalet me të klikuara të repereve femra në “YouTube”.
Siç duket dhe në foto ajo është renditur krahas Doja Cat, Cardi B, e shumë repereve të tjera të famshme. Sukses mëse i merituar duke konsideruar dhe bashkëpunimet e shumta të artistes këto kohë.
Por muzika nuk është e vetmja fushë ku komentohet reperja, marrëdhënia e saj me ish-partnerin Mozzik mbetet një ndër më të komentuarat. Kujtojmë se Loredana është aluduar për një lidhje romantike me Noizyn, shkas u bë bashkëpunimi i saj me këtë të fundit.
Loredana i sqaroi të gjitha, pasi tregoi se dyshja janë njohur nga Blerim Destani, por nuk përmendi asnjë nga aludimet për një lidhje. Reperja u shpreh se me Noizyn kanë vetëm një shoqëri të mire.
“Na ka bashkuar Blerim Destani. Nuk jemi njohur kurrë më parë. Jemi takuar, jemi kuptuar dhe nuk ka patur asnjë problem. Shoqëria është super prej nesh. Pak më vonë mund të sjellim edhe ndonjë koncert tjetër. Do jem pa lekë absolutisht”- tha Loredana.