Gazetari Lorenc Vangjeli bëri një parashikim për zgjedhjet e 14 majit. Në studion e emisionit “Të Paekspozuarit”, Vangjeli tha se opozita do të fitojë vetëm në Shkodër dhe Durrës.
“Garë të vërtetë do ketë në Shkodër dhe Durrës. Elbasani është i mbyllur nga socialistët. Gara është e hapur në Shkodër dhe Durrës. Qytetet më të mëdha dhe më të rëndësishme, duke përfshirë Tiranën, do të jenë nën qeverisjen e Ramës. Ndoshta një bashki e merr grupimi i Alibeajt. Vota popullore do ta nxjerrë maxhorancën në pakicë. Në të gdhirën e datës 15 do të shikosh festë të madhe. Të dyja palët do të shpallin fitoren” – tha Vangjeli.