Analisti Lorenc Vangjeli është shprehur se të gjitha votat që do të dalin nga forcat e drejtuara nga Astrit Patozi dhe Jozefina Topalli do të kalojnë në favor të Partisë Socialiste.
I ftuar në “Opinion”, Vangjeli tha se referuar tregimit të mullixhiut, votat e tyre do të shkojnë në ‘shtratin’ e Ramës, dhe pikërisht ky i fundit do të jetë ‘mullixhiu i kënaqur’.
Për vjehrrën dhe nusen e inatosur, Vangjeli tha se nuk e di kush janë.
“Janë dy personazhe të rëndësishme, qoftë Patozi qoftë Zonja Topalli. Ata nuk do të bënin asnjë hap në favor të zotit Rama, e konsiderojnë armik edhe ideologjik. Por në fund të datës 25 Prill, në fund të mbrëmjes, paradoksalisht votat e tyre do të shkojnë në shtratin e Edi Ramës. Edi Rama në fund të asaj mbrëmjejedo të jetë mullixhiu i kënaqur. Se kush do të jetë nusja dhe vjehrra e inatosur, këtë s’e dimë,”- tha Vangjeli.