Ish-kapiteni i Kombëtares Shqiptare, Lorik Cana, u bë baba për herë të dytë ditën e djeshme dhe ishte vetë ai që bëri të ditur lajmin në një postim në Instastoryn e tij.
Bashkëshortja e tij italiane, Monica, ka sjellë në jetë një vajzë dhe Loriku ka postuar një foto të derës së dhomës së spitalit, ku qëndronte e varur një zemër rozë.
Në tetor të vitit që lamë pas, Lorik Cana u shpreh në një intervistë për “Wake Up” se ai dhe bashkëshortja e kishin menduar edhe emrin e fëmijës së dytë, që para se Monica të ishte shtatzënë.
Nëse fëmija i dytë do të ishte vajzë, do ta quanin Enkelejda, pasi i pëlqejnë shumë emrat ilirë.
“Panorama Sport” ka treguar se çifti nuk ka ndryshuar mendje, duke konfirmuar se emri i të voglës së sapoardhur në jetë është Enkelejda.
Loriku dhe Monica janë gjithashtu prindër të një vogëlushi të quajtur Bojken.