Këngëtari shumë i dashur për publikun, Gena në një intervistë përballë Jonida Aliçkollit dhe Elona Duros, rrëfeu detaje nga jeta personale dhe ajo profesionale.
Duket u kthyer pas në kohë, Gena tregoi si nisi rrugëtimi i tij në muzikë, të cilin e konsideroi aspak të lehtë.
“Fillova si baterist dhe për një kohë të gjatë fillova në këto mbrëmjet që atëherë ka qenë e ndaluar të këndohej. Atëherë kam qenë 16-17 vjeç. Vazhdova 11 vite si baterist dhe këngëtar, pastaj iki në Greqi, shkoja shumë herë sepse familja ime ka jetuar atje. Rrija pak pastaj kthehesha, e ndjeja veten më mirë në Korçë. I pari që më solli në Tiranë është Gjergj Luca. Për 3 vite vija në Korçë, pastaj kthehesha në Tiranë dhe anasjelltas”, tregoi Gena në studion e “Pardon My French”.
Ai foli edhe për martesën e tij me Lorin, me të cilën fati kishte dashur ta njihte shumë rastësisht.
“Me Lorin jemi njohur në një nga club-et e asaj kohe. Kishte ardhur për të marrë një vizë për në Greqi. Edhe shyqyr që më gjeti mua që e mori vizën. Llotaria e saj isha unë. Mos gaboj kemi 14 vjet bashkë”.