Daja i zgjedhur katër vite më parë
nga radhët e LSI-së i ka dorëzuar detyrën nipit që u zgjodh nga PS-ja në 30
Qershor në krye të Bashkisë së Bulqizës. Ndryshimi u bë pa asnjë rezistencë,
madje me buzëqeshje dhe përqafime. Melaim Damzi i ka vendosur shiritin
nipit Lefter Alla duke i dorëzuar detyrën e shtrënguar duart.
Në krye të këshillit me 21 anëtarë u zgjodh Gëzim Xhafa, përfaqësues i Partisë
Socialiste. Pas betimit, Lefter Alla u shpreh se në mandatin e tij do të jetë
transparent për të gjitha premtimet e tij dhe se stafi i bashkisë Bulqizë do të
jetë në shërbim të gjithë banorëve.
Të pranishëm në konstituimin e këshillit Bashkiak ishin Zv.ministri i Brendshëm Besfor Lamallari, deputetja e qarkut Dibër Almira Xhembulla si dhe prefekti i qarkut Nexhbedin Shehu. Pas betimit, kryetari i ri i bashkisë Bulqizë Lefter Alla iu drejtua zyrës duke nisur ditën e parë të punës.