Një luaneshë në një kopsht zoologjik në Gjermani ka ngrënë dy këlyshët e saj të porsalindur. Kjo ngjarje ka lënë të habitur rojet në kopshtin zoologjik gjerman.
Nëna për herë të parë, e quajtur Kigali, lindi këlyshët në kopshtin zoologjik të Leipzig të premten dhe papritmas i hëngri ato tre ditë më vonë, njoftoi kopshti zoologjik.
“Luanesha e cila ishte bërë nënë për herë të parë u kujdes për këlyshët e saj në mbrëmje para se t’i hante të dy këlyshët”- tha kopshti zoologjik të martën, sipas mediave gjermane.
“Për shkak se luanesha hëngri këlyshët, nuk mund të bëhet një autopsi dhe një ekzaminim i bebeve”- tha kopshti zoologjik.
Sipas mediave gjermane, kopshti zoologjik dyshonte se Kigali hante këlyshët e saj ndoshta sepse ishte një nënë e re ose që këlyshët kishin probleme zhvillimi.