1 mandat dhe një tufë me kandidatë që synojnë ta marrin, ku përçarja e një parti është debati i ditëve të fundit. Divorci politik mes Adriatik Lapaj dhe Endri Shabanit për mandatin e vetëm të Tiranës mori një zhvillim të ri.
Pas akuzave në distancë dhe ambicies së Zeqir Kordhonit, dajës së Endri Shabanit, për tu bërë deputet, në lojë është futur tezja e Adriatik Lapaj, e cila rezulton e para në listën e mbyllur të “Nisma Shqipëria Bëhet” dhe mund të “hakmerret” për nipin e lënduar.
Një tjetër emër është në lojë. Kleana Xhuveli, kandidate e Lapajt në listën e mbyllur të kandidatëve për deputetë në Tiranë, e cila është renditur para Zeqir Kordhonit, ka vendosur të tërhiqet nga vendimi i mëparshëm i dorëheqjes. Ajo ishte e katërta në listën e kandidatëve për qarkun e Tiranës, teksa më parë kishte kërkuar të tërhiqej.
Me anë të një letre, ajo ka shprehur edhe arsyet që e shtynë të ndryshojë mendje.