Kreu i qeverisë, Edi Rama është pyetur sot gjatë bashkëbisedimit me gazetarët nëse ndryshimet në qeveri ishin pjesë e luftës së klaneve brenda PS-së. Duke ironizuar pyetjen e gazetarit, Rama ka deklaruar jo pa tallje se është e vërtetë që në PS ka kompllot dhe luftë të vazhdueshme klanesh.
“Përsa i përket konspiracionit. Ka një komplot në PS. Jam i shqetësuar për këtë. Është një lëvizje konspirative. Jemi duke menduar për një gjyq popullor edhe për dënime të rënda, shumë të rënda. Internime, punë të detyruar, dhe nuk diskutohet që koka e këtij komploti është kryetari i bashkisë së Tiranës. Ai është në krye të komplotit, mbështetur nga ish-ministri (Xhafaj). Ka edhe emra të tjerë, por po hetojmë për këto lidhje. Dyshohet shumë edhe për përfshirje të institucioneve të tjera në këtë konspiracion. Ka të dhëna që ka edhe një studim shkencor të Monika Kryemadhit për goditjen me sukses të konspiracionit. Më vjen keq që më kapët gafil. Veliaj mund të dalë në tv sa herë të dojë, të mbjedhë pemë, por ndonjë pemë nga ato do të varet. Kjo do të pasqyrohet edhe në veprën time 21. Dhe një kopje të tyre do jua dedikoj juve të News24.”, tha Rama.