Kompanitë farmaceutike perëndimore po tërhiqen nga Rusia, ndërsa pushtimi i Ukrainës po hyn në javën e tretë.
“Novartis” po pezullon të gjitha investimet ruse dhe aktivitetin e marketingut, dhe gjithashtu do të bëjë një donacion prej 3 milionë dollarësh për OJQ-të e ndryshme, raporton BBC.
“Eli Lilly” thotë se ka ndalur investimet, promovimet, provat klinike dhe eksportin e ilaçeve jo thelbësore.
Kompania gjithashtu do të dhurojë fitimet nga shitjet e mbetura në Rusi për ndihmë humanitare.
“AbbVie”, “Bayer”, “Bristol Myers”, “Squibb”, “Pfizer” dhe “Sanofi” kanë njoftuar po ashtu së fundmi se do të ndalojnë disa operacione në vend.