Shefi i OKB-së, Antonio Guterres shprehet se kriza e shkaktuar nga pushtimi rus në Ukranë, e cila prek 1.6 miliardë njerëz, po përkeqësohet.
Sipas tij, lufta “kërcënon të lëshojë një valë të paprecedentë urie dhe mjerimi, duke lënë kaos social dhe ekonomik pas saj”.
“Ndikimi i luftës në sigurinë ushqimore, energjinë dhe financat është sistematik, i rëndë dhe i përshpejtuar. Ka vetëm një mënyrë për të ndaluar këtë stuhi, pushtimi rus i Ukrainës duhet të përfundojë”, theksoi kreu i OKB-së.