Lufta në Gaza me një bilanc tragjik, më shumë se 30 mijë viktima për 5 muaj

Bilanci tragjik në Gaza është rënduar duke arritur në më shumë se 30 mijë palestinezë të vrarë që nga 7 tetori. Shifrat i ka bërë publike Ministria e Shëndetësisë e drejtuar nga Hamasi, e cila tha se vetëm në 24 orët e fundit ishin vrarë 81 njerëz, duke e çuar kështu në 30 mijë e 35 të vrarë. Ministria ka bërë të ditur se shumica e të vrarëve janë gra dhe fëmijë, ndërsa në këto shifra nuk bëhet një dallim mes civilëve dhe ushtarëve kur identifikohen të vrarët.