Prej 260 ditësh, vijon lufta ruse në ukrainë. 200 mijë ushtarë janë vrarë nga të dyja palët në luftën në Ukrainë. Ky është raporti që vjen nga gjenerali i lartë amerikan, i cili vlerëson se rreth 100,000 ushtarë rusë dhe 100,000 ukrainas janë vrarë ose plagosur në luftën në Ukrainë.
Shifrës tragjike i shtohet edhe ajo e 40 mijë civilëve ukrainas që kanë humbur jetën për shkak të bombardimeve ruse.
Ditët e fundit, Ukraina ka sinjalizuar një gatishmëri për të zhvilluar disa diskutime me Moskën, pasi presidenti Volodymyr Zelensky hoqi dorë nga kërkesa që Vladimir Putin, të largohej nga pushteti përpara se të rifillojnë negociatat.