Nga zyra e presidencës turke bëhet me dije se presidenti i saj, Recep Tayyip Erdogan telefonoi homologun e tij bjellorus, Alexander Lukashenko me qëllimin për të diskutuar zhvillimet e fundit në lidhje me pushtimin rus në Ukrainë.
Dy udhëheqësit e lartë kanë biseduar rreth dialogut të mbajtur dje mes Rusisë dhe Ukrainës, nga i cilai nuk u arrit asnjë marrëveshje, ndërsa nuk është bërë e ditur se kur do të zhvillohet një raund i ri negociatash.
Gjatë telefonatës, Erdogan i tha Lukashenkos se Turqia nuk do t’i ndalë përpjekjet e saj për t’i dhënë fund luftës dhe për të rivendosur paqen.
Dje, presidenti turk bëri me dije se vendi i tij nuk do të braktiste lidhjet me Rusinë dhe Ukrainën, ndërsa shtoi se do të kufizonte kalimin e anijeve nëpër Bosfor dhe Dardanele për të parandaluar përshkallëzimin e luftës.