Lufta ruse në Ukrainë ka tronditur mbarë botën, por Putin nuk po bën hapa pas. Atje ku raketat nuk ndalojnë, janë edhe gazetarët që raportojnë gjithcka, edhe pse jetën e tyre nuk e kanë të sigurtë. Për guximin dhe për raportimin e tyre nga Mariupoli, gazetarët Mstyslav Chernov dhe Evgeniy Maloletka u nderuan nga Deutsche Welles me cmimim “Freedom of Speech Award”.
“Nga të gjitha ato që kam parë në Mariupol më ka mbetur një pamje në kujtesë: kufoma e një foshnjeje që ndodhej në bodrumin e një spitali”. Mstyslav Chernov përshkruan skenën në bisedë me Deutsche Welle. Ky ka qenë regjistrimi i fundit në Mariupol. Në të njëjtën ditë, Mstyslav u largua nga qyteti i pushtuar.
“Ne po filmonim në një spital, kur një mjek erdhi tek unë dhe m’u lut ta ndiqja në oborrin e pasmë”, raporton Mstyslav Chernov. “Aty pashë papritur duzina kufomash, shtrirë përtokë, të mbështjellë në thasë plastikë apo qilima. Ishin kufoma civilësh të vrarë në bombardime. “Mes tyre ishte aty një paketë e vogël. Mjeku u përkul përpara e hapi dhe pashë trupin e vogël të një foshnjeje. Përbri një letër, ku thuhej se ky foshnje ishte vetëm 23 ditë”.
Më 9 mars Maloletka fotografoi mjekët që nxjerrin një grua shtatzënë nga klinika e shkatërruar. Chernov e filmoi shkatërrimin. Shtatzëna dhe fëmija e saj ndërruan jetë më vonë, po pamja që ofroi fotoreporteri bëri xhiron e botës.
“Nuk ishte e lehtë të kishe qasje në internet, dhe nuk kishim mundësi të ndiqnim media të tjera se çfarë reagimesh kishin sjellë ato që kishim fotografuar dhe filmuar”, thotë Chernov.
Në kohën që gazetarët përpiqeshin t’i nxirrnin filmimet e fotot nga qyteti duke kërkuar internet, mediat ruse bombardonin opinionin me propagandë, sipas së cilës nga trupat ruse nuk ka pasur dëme në civilë. Pamjet e Maloletkas që dokumentuan shkatërrimin e klinikës u bënë virale dhe provuan të kundërtën.