Ish-presidenti amerikan Barack Obama në Forumin e Demokracisë në Kopenhagë ka deklaruar se lufta në Ukrainë “është larg përfundimit” dhe “kostot njerëzore do të vazhdojnë të rriten”.
“Ne kemi qenë dëshmitarë të rezistencës heroike të popullit ukrainas ndaj agresionit rus. Ata janë bashkuar për të mbrojtur jo vetëm sovranitetin e tyre, por identitetin e tyre demokratik dhe kanë mbledhur pjesën më të madhe të botës pas vlerave të vetëvendosjes dhe dinjitetit njerëzor.” – tha Obama.
“Në çdo kontinent ne jemi dëshmitarë të një tërheqjeje demokratike”, komentoi ai sërish, “kështu që, nëse duam që demokracia të lulëzojë, do të duhet të luftojmë për të, ta kultivojmë dhe të dëshmojmë vlerën e saj në përmirësimin e jetës së njerëzve të zakonshëm”. Ish-presidenti më pas vlerësoi mbështetjen perëndimore për Kievin.