Presidenti ukrainas Volodymyr Zelensky ka njoftuar se ka pasur një bisedë telefonike më presidentin francez Emmanuel Macron për luftën në Ukrainë.
Zelensky tha se Macron kishin diskutuar gjithashtu çështjen e furnizimeve me karburant në Ukrainë dhe mbështetjen nga Franca.
“Tregova për rrjedhën e luftës, operacionin për të shpëtuar trupat ushtarake në Azovstal dhe vizionin e perspektivës së procesit të negociatave. Ngrita çështjen e furnizimit me karburant në Ukrainë. Ne diskutuam gjithashtu mbështetjen nga Franca, përgatitjen e paketës së 6-të të sanksioneve, mënyrat e mundshme për të eksportuar produkte bujqësore ukrainase. Mbajtëm një diskutim thelbësor për aplikimin tonë për statusin e një kandidati për anëtarësim në BE”, shkruan Zelensky.