Lejet e lëshuara nga qeveria gjermane për eksportin e armëve dhe pajisjeve ushtarake duket se po shkojnë drejt një rekord të ri.
Informacioni bazohet në një përgjigje ndaj një hetimi parlamentar të paraqitur nga një ligjvënës nga Aleanca populiste e krahut të majtë Sahra Wagenknecht (BSW).
“Gjithsej 4 163 leje eksporti me vlerë 10,9 miliardë euro ishin lëshuar deri më 15 tetor”, thuhet në përgjigjen e Ministrisë së Ekonomisë.
“Dy të tretat e vlerës, ose 7,2 miliardë euro, ishin lëshuar për armë ushtarake”, sipas raportit
Totali për të gjithë vitin e kaluar arriti nje rekord prej 12,2 miliardë euro. Kërkesa për informacion erdhi nga Sevim Dagdelen, një ligjvënëse në Bundestag për partinë e re BSW.
Partia, e cila u nda nga partia e ekstremit të majtë Die Linke (E Majtë) në janar, drejtohet nga Sahra Wagenknecht, e cila e ka karakterizuar ideologjinë e saj politike si “konservatorizëm të majtë”.
Rritja mund t’i atribuohet kryesisht eksporteve në Ukrainë, me 4,9 miliardë euro të miratuara për Ukrainën gjatë gjashtëmujorit të parë.
Në bisedimet e koalicionit në fund të vitit 2021, koalicioni qeverisës i qendrës së majtë ra dakord të kufizonte eksportet e armëve dhe të prezantonte legjislacionin për këtë qëllim, por pushtimi rus në shkallë të plotë çoi në një ndryshim radikal të politikës.
Kancelari Olaf Scholz hoqi ndalimin për eksportin e armëve në një zonë lufte në një fjalim historik më 27 shkurt të atij viti – dhe Gjermania eksportoi më shumë armë vitin e kaluar se kurrë ndonjëherë.
Zgjedhjet e parakohshme janë caktuar në shkurt pasi koalicioni qeveritar u prish këtë muaj.