Forcat ruse kryen disa sulme në qytetin port jugor të Ukrainës, Odesën, duke e bombarduar atë me të paktën 6 raketa. Ky akt i ushtarëve rusë është dënuar me forcë nga zyrtarët ukrainas, me një zyrtar që i denoncoi ato si “dhurata të Pashkëve nga Putin”. Nga këto sulme mbetën të vrarë të paktën tre persona.
“Banorët e qytetit dëgjuan shpërthimet në lagje të ndryshme të qytetit. Këto ishin sulmet me raketa si dhe puna e sistemit tonë të mbrojtjes ajrore,” tha një këshilltar i ministrit të punëve të brëndshme të Ukrainës, Anton Gerashchenko.
Ndërkohë, edhe ministri i Jashtëm ukrainas, Dmytro Kuleba ka reaguar lidhur me këtë sulm me anë të njëpostimi në “Twitter”. Ai i dënoi këto veprime të rusëve dhe tha se qëllimi i tyre i vetëm është që të përhapin terror.
“I vetmi synim i bombardimeve të Rusisë është përhapja e terrorit në Odesa. Rusia duhet të cilësohet si një shtet që promovon terrorizmin dhe të trajtohet siç e meriton. Asnjë biznes me të, asnjë kontakt dhe asnjë projekt kulturor. Të gjithë kemi nevojë për një mur mes civilizimit dhe barbarëve që qëllojnë qytetet tona paqësore me raketa,” shkroi Kuleba në Twitter.