Tentativa për të parandaluar një sulm terrorist në zonën e Kanalit të Suezit, pranë Sinait rezultoi të ishte fatale për një oficer dhe dhjetë ushtarë egjiptianë, të cilët mbetën të vrarë.
Ndërkohë, pesë ushtarë të tjerë u plagosën në operacion, njoftojnë forcat e armatosura egjiptiane, ndërsa thanë se autoritetet e sigurisë po “vazhdonin të ndiqnin dhe rrethonin terroristët” në “një nga zonat e izoluara të Sinait”.
Sipas një zëdhënësi të ushtrisë, ushtarët u vranë pasi u përleshën me një grup personash të armatosur që sulmuan një stacion pompimi uji në lindje të Kanalit të Suezit.