Kryeministri Edi Rama ka mbajtur fjalën në prezantimin e librit më të ri të ish-ministrit të Jashtëm të Kosovës, Enver Hoxhaj.
Gjatë fjalës së tij Rama foli dhe për luftën në Ukrainë, ku shpesh nga ana e Rusisë përmenden shqiptarët dhe kosovarët.
Në lidhje me statistikat që publikoi ministria e Jashtme Rusë, ku thuhej se në Ukrainë kanë shkuar 150 shqiptarë dhe se 42 janë vrarë, kreu i qeverisë tha se nuk kanë asnjë të dhënë për shqiptarë të vrarë në luftë.
“Kosova përmendet në mënyrë të vazhdueshme dhe madje futet edhe Shqipëria kur bëhet fjalë për luftëtarë në Ukrainë. Del lista e të vrarëve të skalioneve ndërkombëtare në Ukrainë dhe Lavrovi nuk flet për të tjerët flet vetëm për shqiptarët dhe Kosovarët. Duke dhënë shifra të pabazuara sepse ne nuk kemi të dhëna për shqiptarë të vrarë në këtë luftë”, tha Rama.