Luiza Gega është kualifikuar në Lojërat Olimpike, Paris 2024. Ajo triumfuar në kampionatin Ballkanik të Atletikës në disiplinën për 3 mijë metrat me pengesa, duke regjistruar kohën 9.21.53, ndërsa norma e kualifikimit është 9.23.00.
“Luiza Gega kualifikohet për në Lojërat Olimpike Paris 2024.
Sot në Kraljevo të Serbisë po zhvillohet Kampionati Ballkanik i Atletikës me pjesëmarrjen e 20 shteteve.
Luiza Gega ka arritur të triumfojë në Kampionatin Ballkanik të Atletikës në disiplinën 3000 m/p me kohën 9.21.53.
Medalja e Artë dhe super koha e arritur pavarësisht se gara u zhvillua në mëngjes.
Koha e arritur prej saj është norma kualifikuese për Lojërat Olimpike Paris 2024.
Atletika ka nisur kualifikimet nga 1 korriku 2023.
Norma e kualifikimit është 9.23.00.
Me këtë kohë, Luiza është kualifikuar në Lojërat Olimpike Paris 2024 dhe bëhet atletja e parë shqiptare që merr biletën kualifikuese për Paris 2024″, shkruhet në postimin e KOKSH.