Atletja shqiptarja, Luiza Gega është renditur e 5-ta në garën 3000 metra me pengesa në Botërorin e Atletikës në Oregon të SHBA-së. Ajo është një nga vajzat më të shpejta të Botës në 3000 metra me pengesa, në një garë ku shkëlqeu me performancën e saj.
Gega ka thyer rekordin kombëtar duke kapur kohën 9 minuta, 10 sekonda e 4 të qindtat. Po ashtu gega ishte e vetmja sportiste nga Shqipëria.
Të shtunën ajo bëri një garë të jashtëzakonshme në Oregon të Shteteve të Bashkuara të Amerikës, duke e mbyllur e 3-ta në baterinë e dytë eliminatore dhe duke siguruar automatikisht vendin në finalen e madhe të garës së 3,000 m me pengesa në Kampionatin Botëror të Atletikës.
Pak ditë më parë, atletja fitoi medalje ari në lojërat Mesdhetare me kohën 9:14 dhe e ka përmirësuar kohën me 4 sekonda në Botërorin e Atletikës.