Fituesi i Big Brother VIP Albania 2, Luiz Ejlli, pas daljes nga shtëpia publikoi një duet në bashkëpunim me aktorin Donald Veshaj.
“2 Shotsa” u mirëprit nga fansat e tyre, ndërsa tani këngëtari nga Shkodra ka ndarë një foto në rrjete sociale, ku shihet në një studio muzikore me kantautorin, Elgit Doda.
“Mishi kokërr”, ka shkruar Luizi në mbishkrimin e fotos në Instagram.
Përveç kësaj, Ejlli më parë ka njoftuar gjithashtu se pritet të sjellë bashkëpunime me emra të njohur si Yll Limani, Elvana Gjata apo Noizy.