Këtë merkato vere pritet që të bëhen shumë ndryshime të lojtarëve në Europë. Një nga emrat më të përfolur për t’u transferuar është edhe belgu Romelu Lukaku, i cili thuhet se do të rikthehet tek Interi.
Por, nga Franca vjen një skenar i ri. Paris Saint-Germain po mendon të huazojë fillimisht sulmuesin velg, pasi e sheh si zëvendësuesin e Kylian Mbappe nëse francezi nuk rinovon.
Ky interesim i PSG-së mund të mënjanojë Interin, ndërkohë që zikaltrit duhet të mendojnë të “mbrohen” për shkak se janë disa klube që duan transferimin e Alessandro Bastoni.
Në garë për Bastonin është Tottenham që drejtohet nga Antonio Conte si edhe klube të tjera në Europë. Madje, së fundmi, edhe Real Madrid ka shprehur interes për lojtarin e Interit dhe kombëtares së Italisë.