Lulzim Basha ka vendosur të garojë në zgjedhjet e 11 majit duke marrë një nga partitë aktuale, “Partinë Konservatore” të cilës do ti ndryshojë emrin.
Në gjykatë ka mbërritur kërkesa për të regjistruar partinë me emrin “Koalicioni Euroatlantik” me kryetar Endri Hasën. Endri Hasa është ish-deputet i PD dhe mbështetës i Lulzim Bashës.
Lulzim Basha do të përdorë partinë me kryetar Endri Hasën si strategji për të garuar në zgjedhje, ndërkohë që vetë vazhdon betejën në Gjykatën e Lartë për të marrë logon dhe vulën e PD-së.
Nga ana tjetër Basha do të përpiqet të krijojë koalicion dhe është në diskutime me të gjitha partitë që nuk duan të bëjnë aleancë me Sali Berishën.
Deri tani Dashamir Shehi ka deklaruar se së bashku me Enkelejd Alibeajn janë në bisedime me Lulzim Bashën për krijimin e një koalicioni.