Lulzim Basha: Gati të përballem me Ramën në zgjedhje. Dialog me të? Ka abuzuar me vullnetin tonë

Kreu i PD Lulzim Basha deklaron për herë të parë se nuk e ka problem të përballet me kryeministrin Rama në zgjedhje.

Në një intervistë për News24, Basha tha se është qeveria ajo që ka abuzuar me vullnetin e opozitës për dialog, ndërsa për deputetët e rinj që janë sot në parlament tha se nuk ka justifikime, por se duhet reflektim. ”
Nuk kam asnjë kompleks as të ulem as të diksutoj, ka një problem. Për të paktën tre herët e fundit, kryeministri aktual e ka abuzuar vullnetin e opozitës dhe timin personal, për të zgjidhur problemet me dialog. Pra është e qartë që kemi të bëjmë me mungesë vullneti, dëshire, do thoja edhe kapacitetesh nga kjo qeveri dhe nga ky kryeministër”, tha ai.