Kandidatja socialiste e cila fitoi drejtimin e Bashkisë së Lushnjës, Eriselda Sefa, ka folur para pak minutash për mediat duke dhënë mesazhin e saj për qytetarët.
Në fjalën e saj, Sefa ka falënderuar të gjithë qytetarët e Lushnjës të cilët e votëbesuan por gjithashtu edhe ata që kanë votuar kandidatët rivalë në zgjedhjet e 6 marsit , duke i siguruar se do ta kenë derën e bashkisë të hapur pavarësisht bindjeve politike.
“Dua të shprehe falënderime dhe mirënjohje për të gjithë qytetarët e Lushnjës, që më votëbesuan. Falënderoj ata që administruan procesin zgjedhor të të gjitha ngjyrimeve politike. Alternativat që shpreha gjatë fushatës, do të vihen në zbatim gjatë këtij viti. Por, edhe qytetarët që mbështetën alternativën tjetër, ju them se do të gjejnë mbështetje pranë Bashkisë Lushnjë. Jam vërtetë mirënjohëse për gjithë këtë votëbesim”, u shpreh Sefa.