Presidenti i Francës, Emmanuel Macron, në fjalimin e tij drejtuar kombit tha se do të qëndrojë në këtë detyrë deri në fund të mandatit dhe se do të emërojë kryeministrin e ri në ditët në vijim. Ai tha se qeveria e re do të hartojë buxhetin e ri në fillim të vitit të ardhshëm.
“Mandati që më dhatë zgjat pesë vjet dhe unë do ta përdor atë deri në fund”, tha Macron në një fjalim televiziv dhjetëminutësh.
Ai tha se votimi i djeshëm i mosbesimit ndaj qeverisë ishte “i paprecedentë” pasi e djathta u bashkua me të majtën në parlament.
Duke iu drejtuar kombit, Macron falënderoi Barnier për “angazhimin” dhe “mosgatishmërinë për t’u dorëzuar” gjatë drejtimit tw tij.
“Barnier ishte gati për të trajtuar sfidat që të tjerët nuk ishin”, tha Macron, sipas BBC.
Presidenti francez akuzoi kundërshtarët për shkaktimin e “kaosit”, duke theksuar se zgjedhjet e reja parlamentare nuk mund të mbahen në vend 10 muaj pas zgjedhjeve të parakohshme të korrikut.