Bllokimi i negociatave ndaj Shqipërisë nga Presidenti i Francës, Emmanuel Macron, ka shkaktuar reagime të forta brenda unionit të Evropës së bashkuar, por edhe në Shqipëri. Përtej debateve të ngjyrosura me interesa politike, veto-ja që vendosi Macron për mosçeljen e negociatave I ka bërë një dëm të madh aspiratave të popullit shqiptar, i cili dihet se e kërkon anëtarësimin në BE, në masën 92%.
Një reagim simbolik ishte përgatitur paraditen e sotme nga disa të rinj të kryeqytetit, të cilët kërkuan të vendosin një banderolë ironizuese për këtë vendim të marrë nga Macron, në muret e Ambasadës Franceze në Tiranë.
“From Brexit to Fraxit?! Hoë dare you Macron?!” (Nga Brexit në Fraxit?! Si guxon Macron?!) shkruhej në të. Të rinjtë kanë dashur të ironizojnë Francën duke pyetur nëse është radha e saj të dalë nga BE. Franca është shteti i cili po kërkon reformimin e BE nëpërmjet Macron, duke u përpjekur të bllokojë aspiratat e Shqipërisë dhe gjithë vendeve të Ballkanit Perëndimor.
Megjithatë të rinjtë kanë ndeshur menjëherë rezistencën e efektivëve të Policisë që ndodhen pranë bllokut të ambasadave në Tiranë, të cilët i kanë kërcënuar edhe me arrestim dhe nuk i kanë lejuar ta vendosin mirë banderolën siç shihet edhe në foton e mbërritur në redaksinë tonë. Edhe përse banderola nuk u lejua të lihej pranë mureve të ambasadës franceze, mesazhi u dha i qartë e o fortë.
Shqiptarët duan Evropën, e më së shumti me zhvillimet e fundit e me formën që mori debati në KE, e vetmja pengesë është Franca e Presidenti Macron.