Një automjet ka dalë nga rruga mëngjesin e sotëm në aksin rrugor Durrës-Tiranë ndërsa mësohet se është dëmtuar drejtuesja e mjetit.
Sipas të dhënave të para mësohet se I.V ka humbur kontrollin e makinës. Ajo ndodhet në spital jashtë rrezikut për jetën.
NJOFTIMI
Tiranë/Informacion paraprak
Më datë 08.07.2020, rreth orës 08:35, në autostradën Durrës – Tiranë, mjeti me drejtuese shtetasen I.V., ka humbur kontrollin e mjetit dhe ka dalë jashtë rrugë, për pasojë është dëmtuar drejtuesja e mjetit, e cila ndodhet në spital, jashtë rrezikut për jetën.
Grupi hetimor dhe sherbimet e Policisë ndodhen në vendngjarje dhe vijon puna për zbardhjen e rrethanave të ngjarjes.