Katër persona, mes tyre dy fëmijë, janë plagosur në një aksident të ndodhur paraditen e sotme në aksin Korçë-Pogradec.
Sipas policisë, të lënduarit janë jashtë rrezikut për jetën. Drejtuesi i mjetit dyshohet se ka humbur kontrollin dhe ka dalë nga rrugë, e për pasojë kanë mbetur të plagosur 4 pasagjerët në bord.
“Rreth orës 10:45, në aksin rrugor Korçë-Pogradec, pranë fshatit Petrushë, shtetasi F.H., 32 vjeç, duke drejtuar mjetin tip ‘Benz’, dyshohet se ka humbur kontrollin e mjetit dhe ka dalë nga rruga. Për pasojë kanë marrë dëmtime të lehta 4 pasagjerë në mjet, konkretisht shtetaset B.T. dhe I.R., si dhe dy fëmijë të mitur, të cilët aktualisht ndodhen në spitalin e Pogradecit”, njoftoi policia.