Një person ka humbur jetën dhe një tjetër është plagosur si pasojë e daljes nga rruga të një makine.
Aksidenti është regjistruar rreth orës 20:15, në vendin e quajtur “Varrezat e Ardenicës”.
Viktima është identifikuar si shtetasi A.V, 29 vjeç, drejtues i mjetit, ndërsa i plagosuri është pasagjeri, shtetasi D.K, 42 vjeç, banues në Kolonjë, i cili është transportuar në spitalin e Lushnjës.
“Shtetasi A.V, 29 vjeç, banues në Kolonjë, duke drejtuar automjetin tip “Benz” ka dalë nga rruga. Si pasojë e daljes nga rruga, ka ndërruar jetë shtetasi A.V dhe është dëmtuar pasagjeri, shtetasi D.K, 42 vjeç, banues në Kolonjë”,- njofton policia.
Grupi hetimor në vendngjarje po punon për zbardhjen e shkakut të daljes nga rruga.