Policia e Elbasanit ka dhënë detaje lidhur me makinën e gjetur të djegur pranë banesës së Ardian Çapajt. Ky i fundit u plagos mëngjesin e sotëm në shtëpinë e tij dhe është nisur drejt spitalit të Traumës në Tiranë.
Sipas policisë së Elbasanit, forcat zjarrfikëse kanë shkuar për të shuar flakët ndërkohë që një punonjës është plagosur për shkak të plasjes së plumbave që dyshohet se kanë qenë në bagazhin e mjetit.
NJOFTIMI I PLOTE
Elbasan/Informacion paraprak
Në lagjen “Skënderbej”, Elbasan, rreth orës 09:43, është gjetur duke u djegur një mjet tip “Volksëagen”. Për shuarjen e zjarrit kanë shkuar forcat zjarrfikëse dhe gjatë punës për shuarjen e zjarrit është plagosur në këmbë, jashtë rrezikut për jetën, punonjësi i zjarrfikëses shtetasi D. M, 38 vjeç. Dyshohet së plagosja është shkaktuar si pasojë e plasjes së plumbave që mund të kenë qenë në bagazhin e automjetit.
Ndërkohë, grupi hetimor po punon për sqarimin e rrethanave të ngjarjes.