Pesë persona janë plagosur, mes tyre tre punonjës policie, pasi makina zyrtare u përplas me një mjet civil.
Ngjarja ndodhi sonte rreth orës 19:30 në rrugën “Agim Ramadani” në Prishtinë, ku ka ndodhur një aksident trafiku, në të cilin janë përfshirë dy automjete, njëra nga to veturë zyrtare e policisë.
Si pasojë e aksidentit pesë persona (tre nga të cilët zyrtarë policorë) kanë pësuar lëndime trupore.
Personat e plagosur janë dërguar për trajtimin e nevojshëm mjekësor.
Policia ka mbërritur në vendin e ngjarjes dhe ka nisur hetimet për zbardhjen e shkaqeve të këtij aksidenti.