Një 22-vjeçare është plagosur rëndë pasi është goditur nga një mjet. Ngjarja ka ndodhur rreth mesditës në zonën e “21 dhjetorit”, pranë shkollës “Sabaudin Gabrani”.
Mësohet se vajza ka qenë duke kaluar në vijat e bardha, ndërsa drejtuesi i mjetit nuk është larguar nga vendngjarja.
NJOFTIMI I PLOTE
Tiranë/Informacion paraprak
Rreth orës 11:55, tek “21 Dhjetori”, mjeti me drejtues shtetasin D. M., ka aksidentuar këmbësoren shtetasen B. M., 22 vjeçe, e cila ndodhet në spital, nën kujdesin e mjekëve.
Grupi hetimor ndodhet në vendngjarje dhe po punon për zbardhjen e rrethanave të aksidentit.