Një aksident i rëndë është shënuar pasditen e së enjtes në zonën e Gjirit të Lalzit.
Burime nga terreni njoftojnë se një automjet tip fuoristradë ka aksidentuar dy gra dhe dy fëmijë.
Mësohet se bëhet fjalë për katër kalimtarë, njëri prej të cilëve ka ndërruar jetë.
Policia nuk ka dhënë ende një version zyrtar ndërsa ka nisur hetimet. Viktima raportohet të jetë njëra nga gratë e aksidentuara.
Informacion i policisë
Në fshatin Rrotull, Manzë, shtetasi J.O., 34 vjeç , banues në Tiranë duke drejtuar mjetin me targë AA 666 SP është përplasur me mjetin më targa AA 875 LX , me drejtuese shtetasen M.D., 31 vjeçe, e cila ka ndërruar jetë.
Në makinë ndodheshin shtetasja B.Sh., 35 vjeçe dhe dy fëmijë 9 dhe 7 vjeçe të cilat u transportuan në Spitalin Rajonal Durrës dhe ndodhen nën kujdesin e mjekëve.
Grupi Hetimor ndodhet në vendngjarje dhe po punon për zbardhjen e shkakut të aksidentit.