Gjatë një takimi me drejtuesit e institucioneve të rrethit Mat, kryetari i Bashkisë Agron Malaj, ka kërkuar që punonjësit e administratës shtetërore të jenë korrekt me likujdimin e taksave lokale.
“Është e patolerueshme që punonjës të administratës nuk paguajnë taksat. Janë më korrekt pensionistët, të papunët dhe personat që trajtohen me ndihmë ekonomike se sat ë punësuarit në ndërmarrje dhe institucione buxhetore”, nënvizoi Malaj.
Ai tha se brenda këtij muaji drejtorët e institucioneve qëndrore në nivel vendor duhet të dorëzojnë pranë Bashkisë Mat listën e punonjësve që kanë likujduar detyrimet e prapambetura si dhe ata që vijojnë të jenë problematikë.
“Ne, tha kryebashkiaku i Matit, nuk do të tolerojmë askënd, pasi këto të ardhura kthehen në shërbime për qytetarët”. /tirananews.al/