Kreu i bashkisë së Matit, Agron Malaj ka ndarë lajmin e mirë që pas 30 vitesh do të investohet në rrugën Burgajet-Derjan-Macukull. Ai ka ndarë edhe foto nga firmosja e marrëveshjes, ku nënvizon se asfaltimi i këtyre segmenteve rrugore jo vetëm që i vjen në ndihmë banorëve të këtyre tre njësive, por i jep një impuls të madh zhvillimit të turizmit në një nga zonat më të bukura dhe përrallore të #Matit.
Postimi i plotë
Prej 30 vitesh nuk vihej dorë në rrugën Burgajet-Derjan-Macukull megjithë kërkesën e vazhdueshme të banorëve dhe premtimin e politikës.
Jam shumë i lumtur që sot me firmosëm marrëveshjen e bashkëpunimit për ndërtimin e kësaj rruge. Punimet nisin nga fshati Burgajet-Derjan deri tek shkolla e fshatit Dukagjin me një gjatësi prej 8750 metrash dhe faza e dytë nis në mes të vitit 2025 nga shkolla e Dukagjinit deri në Macukull me një gjatësi prej 4000 metrash.
Asfaltimi i këtyre segmenteve rrugore jo vetëm që i vjen në ndihmë banorëve të këtyre tre njësive por i jep një impuls të madh zhvillimit të turizmit në një nga zonat më të bukura dhe përrallore të #Matit.
