Burreli dhe zona e Matit janë parë shpesh si bastione të Partisë Demokratike, por prej vitesh PD e ka humbur mbështetjen e shumicës së matianëve. Agron Malaj i cili fitoi mandatin e dytë në krye të bashkisë së Matit me rreth 66% të votave, në emisionin “Vendi Im”, thekson se PS ka treguar se di të justifikojë besimin e qytetarëve duke u përpjekur të përmirësojë jetën e tyre.
Sipas kryebashkiakut Malaj, në vitet e fundit në zonën e Matit janë bërë investime që nuk ishin bërë në 6 dekada të mbledhura bashkë.
Lexo edhe :
Related Posts
“Po të bëjmë një vlerësim, ta marrim nga vitet 70 e deri më sot, investimet që janë bërë të paktën këto 6-7 vitet e fundit nuk janë bërë për 60 vite. Njerëzit e kuptojnë ndryshimin, njerëzit i kuptojnë investimet, gjithçka që po bëhet dhe mbështetja është e madhe. Ne e pamë dhe në zgjedhjet e kaluara ku kishim një diferencë të madhe me kundërshtarët tanë politikë. Dhe mendoj se mbështetja vjen e rritet se investimet jo vetëm në qarkun Dibër por në të gjithë Shqipërinë janë goxha të mëdha dhe fatmirësisht hapëm edhe negociatat për grupin e parë të kapitujve. Ky është një tregues që Shqipëria po ecën përpara,” shpjegon Agron Malaj.
Sipas Agron Malajt akuzat politike vijnë ngaqë e djathta e ka humbur gjithnjë e më shumë besimin e qytetarëve të Matit, që ka treguar ka treguar në zgjedhjet e fundit se beson tek socialistët.
“Unë e kuptoj këtë pjesën e goditjeve politike. Në fakt Mati ka peshë në zgjedhje, është barometër për qarkun Dibër. Mati, deri para 8-9 vitesh ka qenë një bastion i djathtë, por sot nuk është më bastion i djathtë, është një bastion i majtë. Me keqardhje, njerëzit u qëndruan stoikë për 25 vite dhe në të vërtetë nuk bënë asgjë për ta dhe te gjitha gjërat që ne po bëjmë sot duhet t’i kishin bërë ata bë ato 25 viteve,” vë në dukje kryetari i bashkisë së Matit Agron Malaj.
Në zgjedhjet lokale të 14 majit 2023, Agron Malaj fitoi zgjedhjet me 8736 vota përballë kandidatit të demokratëve i cili mori 4517 vota.